ދިވެހި ބަސް ކުރިއެރުވުމަށް ކުރެވިދާނެ ކަންތައްތައް

އިންސާނާ ދުނިޔޭގައި އުޅޭއިރު އެކަކު އަނެއްކަކާ ވާހަކަ ދައްކާ މުޢާމަލާތް ކުރާނެކަން ކަށަވަރެވެ.ނަމަވެސް އެކިމީހުން ވާހަކަ ދައްކަން ބޭނުން ކުރާނީ ތަފާތު ބަސްބަހެވެ.ދުނިޔޭގައި މީހުން ވާހަކަ ދައްކަން ބޭނުންކުރާ އެތައްހާސް ބަހެއްވެއެވެ.އިންސާނާ އެންމެ ފުރަތަަމަ ދެއްކި ވާހަކައިގެ އަޑުގެ ނަތީޖާއެއްގެ ގޮތުން ބަހުގެ އެތައް ވައްތަރުތަކެއް އުފެދި،ފޯދި ކުރިއަރައި،ނެތިގޮސްފައެވެ.އަހަރެމެން ދިވެހިން ވާހަކަ ދައްކަން ބޭނުން ކުރާ ބަހަކީ ދިވެހިބަހެވެ.އެއީ އަހަރެމެން ދިވެހިންގެ މާދަރީ ބަހެވެ.ނަމަވެސް ދިވެހި ބަސް މިހާރު އޮތީ ވަރަށް ނާޒުކު ފައްތަރެއްގައިއެވެ.އަހަރެމެން ދިވެހި ބަސް ކުރިއެރިވުމަށް ޓަކައި ގިނަގުނަ މަސައްކަތް ތަކެއް ކުރަންޖެހޭނެއެވެ. 

                                                     ދިވެހި ބަހަކީ ދިވެހިންގެ މާދަރީ ބަހެވެ.އެހެން ކަމުން ދިވެހިބަސް ދިރުވައި އާލާކުރުމަކީ ދިވެހި ކޮންމެ ފަރުދެއްގެ ޒިންމާއެކެވެ.ދިވެހި ބަސް މިހާރު އޮތީ ވަރަށް ނާޒުކު ފައްތަރެއްގައެވެ.ދިވެހިބަސް ކުރިއެރުވުމަށް ޓަކައި މަދަރުސާތައް ވަރަށް މުހިންމު ރޯލެއް އަދާކުރަން ޖެހޭނެއެވެ.އެގޮތުން ިވެހި ގަޑީގައި ދިވެހި ބަހާއި ބެހޭގޮތުން މައުލޫމާތުދީ ތަފާތު އެކިކަހަލަ މުބާރާތްތައް ބޭއްވިދާނެއެވެ.އަދި ހަމައެހެންމެ ކުދިން ދިވެހި ބަހަށް ޝައުގުވެރި ކުރުވުމަށް ޓަކައި ތަފާތު އެކިކަހަލަ ޕްރޮޖެކްޓް މަސައްކަތްތައް ހިންގިދާނެއެވެ.ކުލާހުގައި ކުދިންގެ މެދުގައި މަޒުމޫނު ލިޔުމުގެ މުބާރާތްތަކާއި ވާހަކަ ދެއްކުމުގެ މުބާރާތްތައް ބޭއްވިދާނެއެވެ.އަދި ދިވެހިބަހުން އުފެއްދުންތެރި ބަސްތައް ލިޔުއްވުމާއި ދިވެހި އައު ބަސްތައް ކުދިންގެ މެދުގައި ތާޢަރަފް ކުރެވިދާނެއެވެ.އަދި ހަމ ަމިއާއިއެކު ދިވެހި ބަހަށް ތާޢަރަފުވާ އައު ބަސްތައް ދަސްކުރުމާއި އެކު އޭގއ މާނަވެސް ދަސްކޮށް އެބަސްތައް ލިޔުމުގައާއި ވާހަކަ ދެއްކުމުގައި ބޭނުންކުރުމަށް ބާރު އެޅިދާނެއެވެ.       ދިވެހި ބަސް ކުރިއެރުވުމަށް ޓަކައި ވަކިވަކި ފަރުދުންނަށްވެސް މަސައްކަތް ކުރެވިދާނެއެވެ.ައެގޮތުން އެކަކު އެނެއްކަކަށް މުޢާމަލާތް ކުރާއިރު ބަހުގެ ރީތި އަދަބުތައް ބޭނުންކޮށްގެން މުޢާމަލާތްތައް ކުރެވިދާނެއެވެ.އަދި ހަމައެހެންމެ އަމިއްލައަށް ފޮތްތައް އުފައްދައި އެފޮތްތައް ޝާއިރު ކުރެވިދާނެއެވެ.އަދި މިފަދަ ފޮތްތައް ކިޔައި މިފޮތްތަކުގައިވާ މަޢުލޫމާތުތައް ބޭނުން ކޮށްގެން ބަސްކުރި އެރުވިދާނެއެވެ.ނަމަވެސް ގިނަ ދިވެހިންނަކީ ފޮތް،ނޫސްފަދަ ތަކެތި އެހައި ގިނައިން ކިޔައި އުޅޭ ބައެއް ނޫނެވެ.މިކަންކަމުގެ ސަބަބުން ދިވެހިބަސް ކުރިއަރައި ނުދާނެއެވެ.ދިވެހި ވާހަކަތަކާއިމަޒުމޫނު ތަކާއި ރިޕޯޓުފަދަ ލިޔުންތއް އާންމުންނާއި ހަމައަށް ނެރުމުން ދިވެހި ބަސް ކުރިއަރައި ދާނެއެވެ.                           ދިވެހިބަސް ކުރިއެރުވުމަށް ޓަކައި ޤައުމުގެ އިސްވެރިންނަށްވެސް މަސައްކަތް ތަކެއް ކުރެވިދާނެއެވެ.އެގޮތުން ފޮތްތައް ލިޔާމީހުންނަށް އެކަމުގެ އަގު ވަޒަން ކުރުމުގެ ގޮތުން ޤައުމީ ފެންވަރުގެ އނާމެއް ދެވިދާނެއެވެ.އަދި ތަފާތު އެހެން ބަސްބަހުން ލިޔެފައިވާ ފޮތްތައް ތަރުޖަމާ ކުރުމަށް ހުޅުވައިލެވިދާނެއެވެ.އަދި ހަމަމިިއާއިއެކު އެހެން ބަސްބަހުން ލިޔެފައިހުންނަފޮތް ދިވެހި ބަހަށް ތރުޖަމާ ކުރުމަށްފަހު އެފޮތްތައް މީހުންގެ ތެރެއަށް ނެރުމަށް ޓަކައި އެހީވެވިދާނެއެވެ.                      އިސްވެ ދިޔަ ކަންތައްތަކަކީ ދިވެހިބަސް ކުރިއެރުވުމަށް ޓަކައި ކުރެވިދާނެ ކަންތައްތަކެވެ.އަދި މިނޫނަސް ދިވެހިބަސް ކުރިއެރުވުމަށް ޓަކައި ކުރެވިދާނެ ބައިވަރު ކަންތައްތައް އެބަހުއްޓެވެ.ދިވެހިބަސް ރައްކާތެރި ކުރުމަކީ ދިވެހިންގެ ޒިންމާއެެވެ.މާދަރީބަސް ގެއްލިގެން ހިނގައްޖެނަމަ އެގެއްލުނީ ބަސް އެކަންޏެއް ނޫނެވެ.އެގެއްލެނީ ހަޟާރާތުގެ ބައެކެވެ.